Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Хацеў зарэгістравацца назіральнікам у камісію і… знік

Мікалай Сушкоў
Мікалай Сушкоў

Жыхар Чонак, што пад Гомелем, Мікалай Сушкоў выказаў намер зарэгістравацца назіральнікам у мясцовай участковай камісіі (участак для галасавання №45) па правядзенні рэферэндуму.

Ён сабраў неабходную колькасць подпісаў аднавяскоўцаў і 18 лютага аднёс іх у пасялковы сельсавет, дзе месціцца выбарчая камісія.

Згодна з Палажэннем аб парадку накіравання і дзейнасці назіральнікаў пры падрыхтоўцы і правядзенні рэспубліканскага рэферэндуму ў 2022 годзе, кожны грамадзянін мае права быць назіральнікам, прадставіўшы ў камісію заяву, падпісаную не менш чым 10 грамадзянамі, якія пражываюць адпаведна на тэрыторыі вобласці, раёна, горада, раёна ў горадзе, ўчастка для галасавання.

Праз некаторы час яму ў прыватных паведамленнях у Фэйсбуку напісаў старшыня Чонкаўскага сельсавету Гомельскага раёну Аляксей Кабзараў і запрасіў на сустрэчу ў сельсавет па мясцовых пытаннях.

Пасля паходу ва ўчастковую выбарчую камісію телефон Мікалая Сушкова стаў недасягальны.

Не выйшаў на сувязь ён і 19 лютага.

Пазней з інфармацыі БСДП стала вядома, што Сушкову "прысудзілі" 12 сутак па артыкуле 9.11 КаАП за падпіску на экстрэмісцкія каналы і распаўсюд інфармацыі.

"Праваабаронцы за свабодныя выбары"